РЦИ-Аланийы Сæргълæууæджы премитæй Хицауады Сæрдар ТУСКЪАТЫ Таймураз кадджын уавæры схорзæхджын кодта, республикæйы æрыгон ахуыргæндты, наукон кусджыты æмæ скъолайы ахуырдзауты 'хсæн хуыздæр наукон-иртасæн куыстытæ чи скодта, уыдоны.

Æрыгонахуыргæндтæ æмæ специалистты 'хсæнуæлахиздзаутæй 100 минсомыпремитæ райстойцыппарпроектыавтортæ. Скъоладзауты 'хсæн та 50 мин сомы преми лæвæрд æрцыд Вадим Левандовскийы проектæн. Вадим у Сывæллæтты техникон сфæлдыстады республикон центры хъомылгæнинаг. Йæ иртасæн куысты темæ "Декоративон æмæ рухсгæнæн светодиодон кластертæ" къамисы уæнгтæ банымадтой цымыдисаг æмæ ахсджиагыл.

Тускъаты Таймураз уæлахиздзаутæн арфæ ракодта Битарты Вячеславы номæй, загъта, сæ куыстыты кæй ис апп, кæй сты ахсджиаг республикæйы райрæзтæн. Фæсивæды хъуыддæгты фæдыл комитеты сæрдар Цæлыккаты Барисæн бабар кодта, цæмæй проекттæм дарддæр дæр йæ хъус æрдара æмæ сæ царды рауадзынмæ баххуыс кæна.

Цæгат Ирыстоны Хетæгкаты Къостайы номыл паддзахадон университеты æрыгон ахуыргæндты къорд: Юрий Морозов, Мæхъиты Маринæ æмæ Елизаветæ Морозовайы иумæйаг проект у "Китайаг лимонничы зайæгойæ инновацион хосты ног формæ æмæ технологитæ цæттæ кæнын".

Уæрэесейы наукæты академийы Дзæуджыхъæуккаг наукон центры ахуыргæндтæ Хъаныхъуаты Алыксандр, Дмитрий Мельков æмæ Гæбæраты Æхсарбег бакуыстой проект "Хæххон регионты зæххæнкъуыстыты рæстæг фыдбылызæй бахизынæн æххуысы информацион системæ"-йыл

Уæрæсейы наукæты академийы Дзæуджыхъæуккаг наукон центры Цæгат-Кавказаг хæххон хъæууонхæдзарадон наукон-иртасæн институты хайады ахуыргонд Герасим Лущенкойы проекты темæ у "Холладжы ног культурты интродукци".

Хæххон паддзахадон аграрон университеты æрыгон ахуыргæндтæ Цгъойты Давид æмæ Иван Коробейник иумæ бакуыстой проект "Хуырджын зæххытæ кусгæйæ ток гыццыл чи хардз кæндзæн, ахаем гутоны проект"-ыл.

 

ХЕТÆГКАТЫ-УАНИТЫ Оксанæ